1 ᠰᠠᠷᠠ ᠶᠢᠨ 6 ᠤ ᠡᠳᠦᠷ ᠤᠨ 18 ᠴᠠᠭ 30 ᠮᠢᠨᠦ᠋ᠲ ᠤᠨ ᠦᠶᠡ ᠪᠠᠷ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠮᠠᠩᠬᠠᠨ | ᠠᠭᠤᠯᠠᠨ ᠤ ᠬᠦᠢᠳᠡᠨᠰᠠᠯᠬᠢᠨ ᠳᠤ ᠴᠠᠰᠤ ᠯᠠᠪᠰᠠᠯᠠᠵᠤ᠂ ᠠᠭᠠᠷ ᠤᠨ ᠳᠤᠯᠠᠭᠠᠨ ᠭᠡᠨᠡᠳᠲᠡ ᠪᠠᠭᠤᠷᠠᠪᠠ᠃ ᠶᠠᠭ ᠪᠠᠭᠠ | ᠬᠦᠢᠳᠡᠨ ᠴᠠᠭ ᠪᠣᠯᠬᠤ ᠳᠤ ᠲᠩᠷᠢ ᠭᠠᠵᠠᠷ ᠬᠥᠯᠳᠡᠵᠦ᠂ ᠲᠤᠰᠤᠯ ᠤᠰᠤ ᠮᠥᠰᠥ ᠰᠢᠭ ᠬᠥᠯᠳᠡᠳᠡᠭ᠃ ᠭᠡᠨᠡᠳᠲᠡ | ᠥᠪᠥᠷ ᠮᠣᠩᠭᠤᠯ ᠤᠨ ᠯᠢᠶᠠᠩᠴᠧᠩ ᠰᠢᠶᠠᠨ ᠤ ᠭᠦᠸᠧ ᠰᠢᠶᠠᠨ ᠶᠣᠣ ᠴᠠᠬᠢᠯᠭᠠᠨ ᠬᠠᠩᠭᠠᠬᠤ ᠭᠠᠵᠠᠷ ᠤᠨ | ᠵᠢᠵᠢᠭᠦᠷ ᠤᠨ ᠲᠠᠰᠤᠭ ᠤᠨ ᠤᠲᠠᠰᠤᠨ ᠤ ᠬᠤᠩᠬᠤ ᠳᠤᠤᠭᠠᠷᠴᠤ᠂ ᠴᠢᠬᠢ ᠭᠠᠳᠠᠮᠠ ᠤᠲᠠᠰᠤᠨ ᠤ ᠬᠤᠩᠬᠤ ᠨᠠᠮ | ᠬᠥᠮ ᠰᠥᠨᠢ ᠶᠢᠨ ᠣᠭᠲᠠᠷᠭᠤᠶ ᠶᠢ ᠵᠦᠰᠦᠪᠡ᠃ | ᠳ᠋ᠢᠶᠠᠩᠬᠤᠸᠠᠶᠢ ᠮᠠᠩᠬᠠᠨ ᠪᠠᠯᠭᠠᠰᠤᠨ ᠤ ᠰᠠᠨ ᠵᠢᠤᠢ ᠶᠣᠣ ᠲᠣᠰᠬᠤᠨ ᠤ ᠠᠷᠠᠳ ᠳ᠋ᠢᠩ ᠬᠦᠤᠤ ᠵᠤ ᠠᠴᠠ | ᠢᠷᠡᠭᠦᠯᠦᠭᠰᠡᠨ ᠶᠤᠮ᠂ ᠳᠡᠳᠡᠨ ᠤ ᠲᠣᠰᠬᠤᠨ ᠤ ᠬᠡᠳᠦᠨ ᠡᠷᠦᠬᠡ ᠶᠢᠨ ᠬᠢᠨ ᠭᠡᠨᠡᠳᠲᠡ ᠴᠠᠬᠢᠯᠭᠠᠨ ᠦᠭᠡᠢ ᠪᠤᠯᠵᠤ᠂ | ᠭᠡᠷᠡᠯᠲᠦᠭᠦᠯᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠪᠠ᠂ ᠲᠣᠰᠬᠤᠨ ᠤ ᠬᠥᠮᠦᠨ ᠮᠠᠯ ᠤᠨ ᠤᠰᠤ ᠤᠮᠳᠠ ᠶᠢᠨ ᠬᠤᠳᠳᠤᠭ ᠤᠨ | ᠤᠰᠤᠨ ᠬᠥᠭᠡᠷᠭᠡ ᠴᠦ ᠠᠵᠢᠯᠯᠠᠬᠤ ᠪᠠᠨ ᠵᠣᠭᠰᠣᠪᠠ᠂ ᠳᠡᠳᠡ ᠰᠢᠯᠲᠠᠭᠠᠨ ᠢ ᠨᠢ ᠪᠠᠶᠢᠴᠠᠭᠠᠵᠤ ᠣᠯᠤᠭᠰᠠᠨ ᠦᠭᠡᠢ | ᠪᠣᠯᠬᠤᠷ ᠤᠯᠠᠨ ᠢᠶᠠᠷ ᠢᠶᠠᠨ ᠮᠠᠰᠢ ᠰᠠᠨᠳᠤᠷᠴᠤ᠂ ᠴᠠᠬᠢᠯᠭᠠᠨ ᠬᠠᠩᠭᠠᠬᠤ ᠭᠠᠵᠠᠷ ᠠᠴᠠ ᠲᠤᠰᠠᠯᠠᠮᠵᠢ ᠭᠤᠶᠤᠪᠠ᠂ | ᠡᠷᠲᠡᠬᠡᠨ ᠰᠢᠭ ᠵᠠᠰᠠᠵᠤ ᠥᠭᠴᠦ ᠪᠣᠯᠤᠨᠠ ᠤᠣ ᠦᠭᠡᠢ ᠦᠤ ᠭᠡᠵᠦ ᠬᠡᠯᠡᠪᠡ᠃ | | | | | ︽ᠯᠣᠣ ᠳ᠋ᠢᠩ ᠡ᠂ ᠣᠯᠠᠨ ᠢ ᠪᠢᠲᠡᠭᠡᠶ ᠶᠠᠭᠠᠷᠠ᠂ ᠪᠢᠳᠡ ᠣᠳᠣᠬᠠᠨ ᠣᠴᠢᠶᠠ︾ ᠭᠡᠪᠡ᠃ ᠵᠠᠰᠠᠭᠤᠯᠬᠤ ᠪᠠᠷ | ᠮᠡᠳᠡᠭᠦᠯᠬᠦ ᠤᠲᠠᠰᠤ ᠪᠣᠯ ᠳᠠᠷᠤᠶ ᠵᠠᠷᠯᠢᠭ ᠮᠥᠨ᠂ ᠤᠷᠤᠢ ᠶᠢᠨ ᠬᠤᠭᠤᠯᠠ ᠢᠳᠡᠬᠦ ᠪᠠᠷ ᠪᠡᠯᠡᠳᠬᠡᠵᠦ ᠪᠠᠶᠢᠭᠰᠠᠨ | ᠵᠢᠵᠢᠭᠦᠷ ᠤᠨ ᠭᠠᠵᠠᠷ ᠤᠨ ᠳᠠᠷᠤᠭᠠ ᠰᠢᠶᠤᠤ ᠵᠠᠩ ᠤᠯᠠᠨ ᠵᠦᠢᠯ ᠢ ᠬᠠᠮᠢᠶᠠᠷᠴᠤ ᠳᠡᠶᠢᠯᠬᠦ ᠦᠭᠡᠢ ᠪᠠᠷ ᠰᠠᠪᠬᠠ ᠪᠠᠨ | ᠲᠠᠯᠪᠢᠭᠠᠳ᠂ ᠵᠠᠪᠳᠤᠨ ᠵᠠᠰᠠᠬᠤ ᠠᠩᠬᠢ ᠶᠢᠨ ᠭᠡᠰᠢᠭᠦᠨ ᠴᠧᠨ ᠭᠤᠸᠠᠶ ᠲᠠᠢ ᠬᠠᠮᠲᠤ ᠵᠠᠪᠳᠤᠨ ᠵᠠᠰᠠᠬᠤ ᠪᠠᠭᠠᠵᠢ ᠪᠠᠨ | ᠠᠪᠴᠤ᠂ ᠮᠠᠰᠢᠨ ᠲᠡᠷᠭᠡ ᠪᠠᠷ ᠰᠠᠨ ᠵᠢᠤᠢ ᠶᠣᠣ ᠲᠣᠰᠬᠤᠨ ᠵᠦᠭ ᠰᠢᠭᠤᠳ ᠭᠦᠶᠦᠪᠡ᠃ | ᠬᠠᠭᠠᠰ ᠴᠠᠭ ᠤᠨ ᠳᠠᠷᠠᠭᠠ᠂ ᠰᠢᠶᠤᠤ ᠵᠠᠩ᠂ ᠯᠣᠣ ᠴᠧᠨ ᠬᠤᠶᠠᠭᠤᠯᠠ ᠰᠠᠨ ᠵᠢᠤᠢ ᠶᠣᠣ ᠲᠣᠰᠬᠤᠨ ᠳᠤ | ᠢᠷᠡᠬᠦ ᠳᠤ᠂ ᠲᠡᠷᠡ ᠬᠤᠯᠠ ᠠᠴᠠ ᠲᠣᠰᠬᠤᠨ ᠤ ᠵᠠᠬᠠ ᠳᠤ ᠬᠥᠮᠦᠨ ᠬᠦᠯᠢᠶᠡᠵᠦ ᠪᠠᠶᠢᠬᠤ ᠶᠢ ᠣᠯᠵᠤ ᠬᠠᠷᠠᠪᠠ᠃ | 20 ᠭᠠᠷᠤᠶ ᠭᠠᠵᠠᠷ ᠤᠨ ᠬᠥᠳᠡᠭᠡ ᠲᠣᠰᠬᠤᠨ ᠤ ᠵᠠᠰᠠᠮᠠᠯ ᠵᠠᠮ ᠤᠨ ᠴᠠᠰᠤᠨ ᠳᠤ ᠭᠤᠯᠭᠤᠬᠤ ᠰᠢᠯᠲᠠᠭᠠᠨ ᠠᠴᠠ | ᠪᠣᠯᠵᠣ᠂ ᠵᠠᠪᠳᠤᠨ ᠵᠠᠰᠠᠭᠰᠠᠨ ᠲᠡᠷᠭᠡ ᠨᠢ ᠡᠩ ᠤᠨ ᠴᠠᠭ ᠠᠴᠠ ᠪᠠᠨ 10 ᠭᠠᠷᠤᠶ ᠮᠢᠨᠦ᠋ᠲ ᠢᠯᠡᠭᠦᠤ ᠶᠠᠪᠤᠵᠠᠶ᠃ | ︽ᠪᠤᠰᠢᠭᠤ ᠦᠵᠡᠭᠦᠯᠦᠭᠡᠴᠢ᠂ ᠭᠡᠷ ᠲᠤ ᠴᠠᠬᠢᠯᠭᠠᠨ ᠦᠭᠡᠶ ᠪᠣᠯᠵᠠᠶ᠂ ᠵᠠᠷᠢᠮ ᠬᠥᠮᠦᠨ ᠤᠷᠢᠳ ᠢᠶᠠᠷ ᠤᠰᠤ | ᠬᠠᠳᠠᠭᠠᠯᠠᠭᠰᠠᠨ ᠦᠭᠡᠶ᠂ ᠤᠰᠤ ᠴᠤ ᠦᠭᠡᠶ ᠪᠣᠯᠵᠠᠶ᠂ ᠪᠢᠳᠡ ᠪᠠᠰᠠ ᠶᠠᠭᠠᠬᠢᠵᠤ ᠵᠠᠰᠠᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠶ᠂ | ᠵᠢᠭᠠᠬᠠᠨ ᠴᠤ ᠠᠷᠭᠠ ᠦᠭᠡᠶ ᠪᠣᠯᠵᠠᠶ᠂ ᠲᠠ ᠨᠠᠷ ᠢ ᠵᠠᠯᠠᠬᠤ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠶ ᠪᠣᠯᠵᠠᠶ᠂ ᠡᠶᠢᠮᠦ ᠬᠤᠯᠠ | ᠪᠥᠭᠡᠳ ᠣᠷᠣᠶ ᠪᠠᠰᠠ ᠲᠠ ᠨᠠᠷ ᠢ ᠦᠢᠮᠡᠭᠦᠯᠵᠦ ᠪᠠᠶᠢᠨᠠ᠂ ᠦᠨᠡᠬᠡᠷ ᠡᠪ ᠦᠭᠡᠶ ᠪᠣᠯᠤᠯᠠ︾ ᠭᠡᠪᠡ᠃ ᠲᠣᠰᠬᠤᠨ ᠤ | ᠠᠷᠠᠳ ᠤᠳ ᠶᠠᠭᠠᠷᠠᠯᠲᠠᠢ ᠲᠠᠶᠢᠯᠪᠤᠷᠢᠯᠠᠨᠠ᠃ | ︽ᠬᠠᠮᠢᠶᠠ ᠦᠭᠡᠢ᠂ ᠣᠯᠠᠨ ᠢᠶᠠᠷ ᠢᠶᠠᠨ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠬᠤ ᠴᠤ ᠶᠣᠰᠣᠲᠠᠶ᠂ ᠪᠢᠳᠡ ᠯᠠᠪ ᠲᠠ ᠨᠠᠷ ᠢ | ᠬᠠᠪᠰᠤᠷᠴᠤ ᠵᠠᠰᠠᠵᠤ ᠥᠭᠬᠦ ᠶᠤᠮ︾ ᠭᠡᠪᠡ᠃ ᠵᠠᠩ ᠣᠪᠣᠭᠲᠤ ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠭᠠᠷ ᠢᠶᠠᠨ ᠰᠠᠵᠢᠨ᠂ ᠳ᠋ᠢᠩ | ᠭᠤᠸᠠᠶ ᠶᠢᠨ ᠬᠠᠷᠠᠴᠠ ᠪᠠᠷ ᠪᠠᠴᠢᠮ ᠪᠠᠶᠢᠳᠠᠯ ᠢ ᠠᠷᠭᠠᠴᠠᠬᠤ ᠳ᠋ᠧᠩ ᠤᠨ ᠭᠡᠷᠡᠯ ᠢ ᠭᠡᠷᠡᠯᠲᠦᠭᠦᠯᠦᠨ᠂ ᠪᠡᠭᠡᠯᠡᠶ ᠪᠠᠷ ᠢᠶᠠᠨ | ᠬᠥᠯ ᠢᠶᠠᠨ ᠵᠦᠯᠭᠦᠵᠦ ᠬᠥᠮᠥᠷᠢᠭᠰᠡᠨ ᠴᠠᠰᠤ ᠶᠢ ᠠᠷᠴᠢᠬᠤ ᠶᠢᠨ ᠬᠠᠮᠲᠤ᠂ ᠲᠡᠭᠦᠨ ᠢ ᠬᠠᠪᠰᠤᠷᠴᠤ ᠠᠶᠤᠯ ᠠᠴᠠ | ᠬᠠᠮᠠᠭᠠᠯᠠᠬᠤ ᠪᠦᠰᠡ ᠶᠢ ᠨᠢ ᠤᠶᠠᠪᠠ᠃ ᠨᠢᠭᠡ ᠮᠢᠨᠦ᠋ᠲ ᠨᠢᠭᠡ ᠰᠧᠺᠦ᠋ᠨ᠋ᠳ᠋ ᠢᠶᠠᠷ ᠥᠩᠭᠡᠷᠡᠨᠡ ᠁ ᠴᠧᠨ ᠭᠤᠸᠠᠶ | ᠨᠢᠷᠤᠭᠤ ᠪᠠᠨ ᠲᠡᠨᠢᠶ᠋ᠯᠭᠡᠨ᠂ ᠤᠲᠠᠰᠤᠨ ᠤ ᠵᠠᠯᠭᠠᠭᠠᠰᠤ ᠨᠤᠭᠤᠳ ᠢ ᠥᠴᠦᠬᠡᠨ ᠴᠦ ᠣᠰᠣᠯᠳᠠᠯ ᠦᠭᠡᠶ ᠪᠠᠷ | ᠪᠠᠶᠢᠴᠠᠭᠠᠨ ᠦᠵᠡᠬᠦ ᠳᠤ᠂ ᠮᠠᠰᠢ ᠲᠦᠷᠭᠡᠨ ᠢᠶᠠᠷ ᠲᠣᠯᠣᠭᠠᠶ᠂ ᠪᠡᠶᠡ ᠳᠡᠭᠡᠷᠡ ᠨᠢ ᠴᠠᠰᠤ ᠣᠷᠣᠵᠠᠶ᠃ | | | | | | 20 ᠴᠠᠭ 30 ᠮᠢᠨᠦ᠋ᠲ ᠲᠤ᠂ ᠨᠢᠭᠡ ᠴᠠᠭ ᠰᠢᠬᠠᠮ ᠵᠠᠪᠳᠤᠨ ᠵᠠᠰᠠᠬᠤ ᠪᠠᠷ ᠲᠠᠮᠵᠢᠨ᠂ ᠵᠠᠮ ᠱᠤᠭᠤᠮ ᠤᠨ ᠭᠡᠮ | ᠰᠣᠭᠤᠭ ᠢ ᠡᠴᠦᠰ ᠲᠡᠭᠡᠨ ᠠᠷᠢᠯᠭᠠᠵᠤ᠂ ᠲᠣᠰᠬᠤᠨ ᠳᠤ ᠲᠠᠬᠢᠨ ᠭᠡᠷᠡᠯ ᠭᠡᠭᠡ ᠬᠠᠷᠠᠭᠳᠠᠵᠤ᠂ ᠬᠡᠰᠡᠭ ᠬᠡᠰᠡᠭ | ᠤᠷᠠᠶᠢᠯᠠᠬᠤ ᠲᠠᠭᠤᠨ ᠰᠣᠨᠣᠰᠳᠠᠪᠠ᠃ | ᠴᠧᠨ ᠭᠤᠸᠠᠶ ᠴᠠᠬᠢᠯᠭᠠᠨ ᠪᠠᠭᠠᠨᠠ ᠠᠴᠠ ᠪᠠᠭᠤᠵᠤ ᠢᠷᠡᠭᠡᠳ ᠨᠢᠷᠤᠭᠤ ᠪᠠᠨ ᠰᠤᠩᠭᠠᠨ᠂ ᠬᠥᠯᠳᠡᠭᠰᠡᠨ | ᠬᠥᠯ ᠢᠶᠠᠨ ᠳᠡᠪᠰᠡᠵᠦ᠂ ᠮᠥᠰᠥ ᠰᠢᠭ ᠬᠦᠢᠲᠡᠨ ᠭᠠᠷ ᠢᠶᠠᠨ ᠨᠤᠬᠤᠯᠠᠵᠤ᠂ ᠲᠣᠯᠣᠭᠠᠶ ᠳᠡᠭᠡᠷᠡᠬᠢ ᠴᠠᠰᠤ ᠪᠠᠨ ᠭᠦᠪᠢᠨ | ᠂ ᠨᠢᠭᠡ ᠠᠮᠢᠰᠬᠤᠭᠠ ᠪᠠᠨ ᠠᠭᠤᠵᠢᠷᠠᠭᠤᠯᠤᠭᠠᠳ᠂ ᠬᠠᠵᠠᠭᠤ ᠳᠤᠨᠢ ᠵᠣᠭᠰᠣᠵᠤ ᠪᠠᠶᠢᠭᠰᠠᠨ ᠵᠠᠩ ᠭᠠᠵᠠᠷ ᠤᠨ | ᠳᠠᠷᠤᠭᠠ ᠳᠤ᠄ ︽ᠵᠠᠰᠠᠵᠤ ᠳᠠᠭᠤᠰᠤᠯᠠ᠂ ᠤᠴᠢᠷ ᠦᠭᠡᠢ ᠪᠣᠯᠤᠯᠠ᠂ ᠠᠳᠡᠯ ᠤᠨ ᠭᠤᠣᠯ ᠰᠢᠯᠲᠠᠭᠠᠨ ᠨᠢ | ᠲᠣᠰᠬᠤᠨ ᠤ ᠠᠷᠠᠳ ᠤᠨ ᠭᠡᠷ ᠤᠨ ᠴᠠᠬᠢᠯᠭᠠᠨ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ ᠶᠡᠬᠡᠰᠴᠦ᠂ ᠵᠠᠯᠭᠠᠯᠲᠠ ᠶᠢᠨ ᠤᠲᠠᠰᠤᠨ ᠤ | ᠬᠥᠨᠳᠡᠶᠢᠷᠡᠭᠦᠯᠦᠭᠴᠢ ᠳᠠᠪᠬᠤᠷᠭᠠ ᠶᠢᠨ ᠬᠠᠭᠤᠴᠢᠷᠠᠭᠰᠠᠨ ᠠᠴᠠ ᠪᠤᠯᠵᠤ ᠳᠥᠲᠡᠯᠡᠯ ᠡᠭᠦᠰᠴᠡᠶ︾ ᠭᠡᠵᠦ ᠬᠡᠯᠡᠵᠡᠶ᠃ | ᠭᠡᠵᠦ ᠬᠡᠯᠡᠵᠡᠶ᠃ ᠴᠧᠨ ᠭᠤᠸᠠᠶ ᠴᠠᠬᠢᠯᠭᠠᠨ ᠪᠠᠭᠠᠨᠠ ᠠᠴᠠ ᠪᠠᠭᠤᠵᠤ ᠢᠷᠡᠭᠡᠳ ᠨᠢᠷᠤᠭᠤ ᠪᠠᠨ ᠰᠤᠩᠭᠠᠨ᠂ | ᠬᠥᠯᠳᠡᠭᠰᠡᠨ ᠬᠥᠯ ᠢᠶᠠᠨ ᠳᠡᠪᠰᠡᠵᠦ᠂ ᠬᠥᠯᠳᠡᠭᠰᠡᠨ ᠭᠠᠷ ᠢᠶᠠᠨ ᠨᠤᠬᠤᠯᠠᠨ ᠬᠥᠯᠳᠡᠭᠰᠡᠨ ᠴᠠᠰᠤ ᠪᠠᠨ ᠭᠦᠪᠢᠭᠡᠳ ᠨᠢᠭᠡ | ᠠᠮᠢᠰᠬᠤᠭᠠ ᠠᠪᠤᠭᠠᠳ᠂ ᠬᠠᠵᠠᠭᠤ ᠳᠤᠨᠢ ᠵᠣᠭᠰᠣᠵᠤ ᠪᠠᠶᠢᠭᠰᠠᠨ ᠵᠠᠩ ᠭᠠᠵᠠᠷ ᠤᠨ ᠳᠠᠷᠤᠭᠠ ᠳᠤ ᠬᠡᠯᠡᠪᠡ᠃ | ᠲᠣᠰᠬᠤᠨ ᠤ ᠬᠢᠨ ᠪᠠᠰᠠ ᠯᠠ ᠭᠡᠷᠡᠯ ᠭᠢᠯᠪᠠᠭᠠ ᠪᠠᠨ ᠰᠠᠴᠤᠷᠠᠭᠤᠯᠤᠨ᠂ ︽ᠴᠢᠩ ᠯᠢᠩ ᠯᠢᠩ︾ ᠤᠨ | ᠤᠷᠤᠰᠬᠠᠯ ᠨᠢ ᠠᠶᠢᠯ ᠡᠷᠦᠬᠡ ᠪᠦᠷᠢ ᠶᠢᠨ ᠭᠠᠩ ᠳᠣᠲᠣᠷᠠ ᠤᠷᠤᠰᠴᠤ ᠪᠠᠶᠢᠬᠤ ᠶᠢ ᠦᠵᠡᠭᠡᠳ᠂ ᠲᠤᠬᠠᠢ ᠶᠢᠨ | ᠲᠠᠯᠠᠪᠠᠢ ᠶᠢᠨ ᠲᠣᠰᠬᠤᠨ ᠤ ᠠᠷᠠᠳ ᠪᠠᠶᠠᠷᠲᠠᠢ ᠪᠠᠷ ᠠᠯᠠᠭᠠ ᠲᠠᠰᠢᠵᠠᠭᠠᠪᠠ᠃ | ︽ᠣᠷᠣᠢ ᠪᠣᠯᠴᠢᠬᠠᠯᠠ᠂ ᠲᠩᠷᠢ ᠪᠠᠰᠠ ᠮᠠᠭᠤᠬᠠᠢᠷᠠᠵᠠᠢ᠂ ᠲᠠ ᠨᠠᠷ ᠢ ᠵᠣᠪᠠᠭᠠᠵᠤ ᠮᠠᠨ ᠤ ᠤᠲᠠᠰᠤ ᠶᠢ ᠵᠠᠰᠠᠵᠤ | ᠴᠠᠬᠢᠯᠭᠠᠨ ᠬᠦᠷᠭᠡᠭᠦᠯᠦᠭᠡᠳ ᠥᠭᠭᠦᠨᠡ ᠦᠤ᠂ ᠦᠨᠡᠬᠡᠷ ᠪᠠᠶᠠᠷᠯᠠᠯᠠ᠂ ᠬᠤᠷᠳᠤᠨ ᠭᠡᠷ ᠲᠤ ᠣᠷᠣᠵᠤ ᠳᠤᠯᠠᠭᠠᠴᠠᠭᠠᠷᠠᠶ | ᠂ ᠮᠠᠨ ᠤ ᠳᠤ ᠬᠤᠭᠤᠯᠠ ᠪᠠᠨ ᠢᠳᠡᠭᠡᠷᠡᠶ ᠳ᠋ᠡ︾ ᠭᠡᠪᠡ᠃ ᠳ᠋ᠢᠩ ᠠᠪᠤᠭᠠᠶ ᠶᠠᠷᠢᠬᠤ ᠶᠢᠨ ᠳᠠᠭᠠᠤ ᠬᠤᠶᠠᠭᠤᠯᠠ ᠶᠢ ᠭᠡᠷ | ᠤᠷᠤᠭᠤ ᠪᠠᠨ ᠨᠠᠶᠢᠷ ᠲᠠᠯᠪᠢᠪᠠ᠃ | ︽ᠪᠢᠳᠡ ᠪᠠᠰᠠ ᠰᠤᠳᠤᠯᠭᠠᠨ ᠤ ᠭᠠᠵᠠᠷ ᠲᠠᠭᠠᠨ ᠣᠴᠢᠵᠤ ᠵᠢᠵᠢᠭᠦᠷᠯᠡᠨᠡ᠂ ᠤᠴᠢᠷ ᠲᠠᠢ ᠪᠣᠯ ᠲᠠ ᠴᠠᠭ | ᠲᠤᠬᠠᠶ ᠳᠤᠨᠢ ᠪᠢᠳᠡᠨ ᠳᠤ ᠤᠲᠠᠰᠤᠳᠠᠭᠠᠷᠠᠶ︾ ᠭᠡᠪᠡ᠃ ᠬᠤᠶᠠᠷ ᠬᠥᠮᠦᠨ ᠲᠡᠷᠭᠡ ᠪᠠᠷ ᠢᠶᠠᠨ ᠴᠠᠰᠤ ᠮᠥᠰᠥ ᠶᠢ | ᠲᠤᠯᠵᠤ ᠴᠠᠬᠢᠯᠭᠠᠨ ᠬᠠᠩᠭᠠᠬᠤ ᠭᠠᠵᠠᠷ ᠲᠠᠭᠠᠨ ᠪᠤᠴᠠᠪᠠ᠃ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠯᠢ ᠬᠤᠩ ᠢᠦᠢ | ᠤᠷᠴᠢᠭᠤᠯᠤᠭᠴᠢ᠄ ᠼᠦᠢ ᠴᠢᠩ |