| ᠤᠢᠢᠷᠡ ᠶᠢᠨ ᠵᠢᠯ ᠠᠴᠠ ᠸᠢᠲ᠋ᠠᠮᠢᠨ D ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠦᠵᠡᠭᠦᠯᠬᠦ ᠦᠢᠯᠡᠳᠦᠯ ᠤᠨ ᠳᠤᠬᠠᠢ | ᠰᠢᠨᠠ ᠰᠢᠨᠠ ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠤᠳ ᠳᠠᠰᠤᠷᠠᠯᠳᠠ ᠦᠭᠡᠢ ᠭᠠᠷᠴᠤ ᠪᠠᠶᠢᠨᠠ᠃ ︽ᠠᠩᠭ᠍ᠯᠢ ᠶᠢᠨ ᠠᠨᠠᠭᠠᠬᠤ | ᠤᠬᠠᠭᠠᠨ ᠤ ᠰᠡᠳᠭᠦᠯ︾ ᠳᠤ ᠨᠡᠶᠢᠳᠡᠯᠡᠭᠰᠡᠨ ᠰᠢᠨᠡ ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠳᠤ᠂ ᠴᠢᠰᠦᠨ ᠡᠭᠡᠳᠡᠩ ᠳᠠᠬᠢ | ᠸᠢᠲ᠋ᠠᠮᠢᠨ D ᠶᠢᠨ ᠳᠦᠪᠰᠢᠨ ᠨᠢ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠬᠦ ᠠᠶᠤᠯ ᠲᠠᠢ ᠤᠷᠪᠠᠭᠤ ᠬᠠᠷᠢᠴᠠᠭᠠ ᠲᠠᠢ ᠭᠡᠵᠡᠢ᠃ ᠳᠠᠷᠤᠢ | ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠸᠢᠲ᠋ᠠᠮᠢᠨ D ᠶᠢ ᠰᠢᠩᠭᠡᠭᠡᠨ ᠠᠪᠤᠭᠰᠠᠨ ᠬᠡᠮᠵᠢᠶᠠ ᠨᠢ ᠬᠠᠩᠭᠠᠯᠳᠠ ᠲᠠᠢ ᠪᠠᠶᠢᠬᠤ ᠶᠢ | ᠪᠠᠳᠤᠯᠠᠬᠤ ᠨᠢ ᠦᠮᠡᠨ ᠢ ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ ᠭᠡᠰᠡᠨ ᠦᠭᠡ᠃ | ᠪᠦᠬᠦ ᠲᠠᠯᠠᠬᠡᠢ ᠶᠢᠨ ᠸᠢᠲ᠋ᠠᠮᠢᠨD ᠲᠤᠳᠠᠭᠳᠠᠭᠰᠠᠳ10 ᠳ᠋ᠦᠩᠰᠢᠭᠤᠷ ᠬᠦᠷᠴᠠᠢ | ᠳᠡᠭᠡᠷᠡ ᠳᠤᠷᠠᠳᠤᠬᠰᠠᠨ ᠰᠤᠳᠤᠯᠭᠠᠨ ᠢ ᠶᠠᠫᠤᠨ ᠤ ᠳᠤᠤᠺᠢᠣ᠋ ᠶᠢᠨ ᠤᠯᠤᠰ ᠠᠴᠠ ᠡᠷᠭᠢᠯᠡᠭᠰᠡᠨ ᠦᠮᠡᠨ ᠰᠤᠳᠤᠯᠬᠤ | ᠳᠦᠪ ᠤᠨ ᠬᠢᠨ ᠬᠦᠢᠴᠡᠳᠭᠡᠭᠰᠡᠨ ᠶᠤᠮ ᠪᠠᠶᠢᠨᠠ᠂ ᠳᠡᠷᠡ ᠨᠢ 14 ᠳᠦᠮᠡᠨ ᠬᠦᠮᠦᠨ ᠢ ᠤᠷᠤᠯᠴᠠᠭᠤᠯᠵᠤ᠂ 20 | ᠵᠢᠯ ᠤᠨ ᠬᠤᠭᠤᠴᠠᠭᠠ ᠲᠠᠢ ᠤᠷᠳᠤ ᠦᠷᠭᠦᠯᠵᠢᠯᠡᠭᠰᠡᠨ ᠰᠤᠳᠤᠯᠭᠠᠨ ᠠᠵᠢ᠃ ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠳᠤ᠂ | ᠴᠢᠰᠦᠨ ᠤ ᠡᠭᠡᠳᠡᠩ ᠤᠨ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠨᠢ ᠬᠠᠮᠤᠭ ᠤᠨ ᠳᠤᠤᠷᠠ ᠳᠡᠷᠡ | ᠳᠤᠭᠤᠢᠢᠯᠠᠩ ᠤᠨ ᠬᠢᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠬᠠᠮᠤᠭ ᠤᠨ ᠦᠨᠳᠦᠷ | ᠳᠤᠭᠤᠢᠢᠯᠠᠩ ᠤᠨ ᠬᠦᠮᠦᠨ ᠤ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠬᠦ ᠠᠶᠤᠯ 22% ᠳᠤᠤᠷᠠ ᠪᠠᠶᠢᠵᠠᠢ᠃ ᠳᠡᠭᠡᠭᠡᠳ ᠸᠢᠲ᠋ᠠᠮᠢᠨ D | ᠳᠤᠳᠠᠭᠳᠠᠭᠰᠠᠨ ᠠᠴᠠ ᠪᠤᠯᠳᠠᠭ ᠬᠠᠮᠤᠭ ᠤᠨ ᠠᠶᠤᠯ ᠲᠠᠢ ᠡᠯᠢᠭᠡᠨ ᠤ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠬᠦ ᠠᠶᠤᠯ 55% ᠢᠶᠠᠷ | ᠪᠠᠭᠤᠷᠠᠬᠰᠠᠨ ᠪᠠᠶᠢᠪᠠ᠃ ᠤᠨᠴᠠᠭᠠᠢᠢᠯᠠᠨ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠦᠨᠳᠦᠷ ᠳᠤᠭᠤᠢᠢᠯᠠᠩ ᠤᠨ ᠡᠯᠢᠭᠡᠨ ᠤ | ᠦᠷᠪᠢᠰᠦᠯ ᠲᠠᠢ ᠡᠪᠡᠳᠴᠢᠳᠠᠨ ᠤ ᠡᠯᠢᠭᠡᠨ ᠦᠮᠡᠨ ᠪᠤᠯᠬᠤ ᠠᠶᠤᠯ 80% ᠢᠶᠠᠷ ᠪᠠᠭᠤᠷᠠᠭᠰᠠᠨ ᠪᠠᠶᠢᠨᠠ᠃ | ︽ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠳᠤᠷᠰᠢᠳᠠ᠂ ᠸᠢᠲ᠋ᠠᠮᠢᠨ D ᠶᠢ ᠶᠡᠷᠦᠳᠡᠭᠡᠨ ᠨᠢᠭᠡ ᠵᠦᠢᠯ ᠤᠨ ᠠᠷᠠᠭ ᠶᠠᠰᠤᠨ ᠤ | ᠡᠷᠡᠭᠦᠯ ᠮᠡᠨᠳᠦ ᠳᠤ ᠳᠤᠰᠠᠳᠠᠢ ᠰᠢᠮᠡ ᠳᠡᠵᠢᠭᠡᠯ ᠤᠨ ᠡᠳ᠋ ᠭᠡᠵᠦ ᠦᠵᠡᠭᠰᠡᠭᠡᠷ ᠢᠷᠡᠵᠡᠢ᠂ ᠭᠡᠪᠡᠴᠦ ᠤᠢᠢᠷᠡ ᠶᠢᠨ | ᠵᠢᠯ ᠤᠳ ᠤᠨ ᠰᠤᠳᠤᠯᠭᠠᠨ ᠠᠴᠠ ᠳᠡᠭᠦᠨ ᠤ ᠦᠢᠯᠡᠳᠦᠯ ᠨᠢ ᠳᠤᠩ ᠦᠷᠭᠡᠨ ᠳᠡᠯᠭᠡᠷ ᠭᠡᠳᠡᠭ ᠢ ᠮᠡᠳᠡᠵᠦ ᠡᠬᠢᠯᠡᠵᠡᠢ᠃ | ᠨᠦᠢᠷ ᠤᠨ ᠠᠷᠠᠯ ᠤᠨ ᠡᠰ᠂ ᠢᠳᠡᠪᠬᠢᠵᠢᠭᠰᠡᠨ T ᠯᠢᠮᠪᠠ ᠶᠢᠨ ᠡᠰ ᠵᠢᠴᠢ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠵᠡᠷᠭᠡ ᠨᠡᠭᠡᠳᠡᠰᠦ | ᠡᠷᠭᠡᠳᠡᠨ ᠳᠤ ᠪᠦᠷ ᠸᠢᠲ᠋ᠠᠮᠢᠨ D ᠶᠢᠨ ᠦᠢᠯᠡᠳᠦᠯ ᠢ ᠪᠠᠳᠠᠷᠠᠭᠤᠯᠵᠤ ᠳᠡᠶᠢᠯᠬᠦ ᠬᠦᠯᠢᠶᠡᠨ ᠠᠪᠤᠭᠴᠢ ᠴᠤᠭᠴᠠ ᠶᠢ | ᠢᠯᠡᠷᠡᠭᠦᠯᠵᠡᠢ᠂ ᠡᠶᠢᠮᠦ ᠠᠴᠠ ᠳᠡᠷᠡ ᠨᠢ ᠳᠤᠳᠤᠭᠠᠳᠤ ᠱᠦᠭᠦᠷᠡᠯ ᠤᠨ ᠬᠤᠷᠮᠤᠨ ᠤ ᠤᠨᠴᠠᠯᠢᠬ ᠲᠠᠢ ᠭᠡᠰᠡᠨ ᠦᠭᠡ᠃ | ᠳᠡᠭᠡᠭᠡᠳ ᠪᠠᠰᠠ ᠦᠷᠪᠢᠰᠦᠯ ᠢ ᠳᠠᠷᠤᠬᠤ᠂ ᠦᠯᠦ ᠬᠠᠯᠳᠠᠭᠠᠬᠤ ᠴᠢᠳᠠᠪᠤᠷᠢ ᠶᠢ ᠵᠤᠬᠢᠴᠠᠭᠤᠯᠬᠤ᠂ ᠡᠰ ᠤᠨ | ᠬᠤᠪᠢᠶᠠᠬᠳᠠᠯ ᠢ ᠠᠬᠢᠭᠤᠯᠬᠤ ᠪᠠ ᠡᠰ ᠤᠨ ᠰᠤᠯᠢᠬᠳᠠᠯ ᠢ ᠠᠬᠢᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠡᠩ ᠤᠨ | ᠪᠠᠶᠢᠳᠠᠯ ᠳᠤ ᠬᠤᠤᠷᠠᠳᠤ ᠬᠠᠪᠤᠳᠠᠷ ᠡᠭᠦᠰᠬᠦ ᠨᠢ ᠡᠰ ᠤᠨ ᠦᠯᠦ ᠬᠠᠯᠳᠠᠭᠠᠬᠤ ᠴᠢᠳᠠᠪᠤᠷᠢ ᠪᠠ ᠡᠰ ᠤᠨ ᠰᠤᠯᠢᠬᠳᠠᠯ | ᠬᠡᠪ ᠤᠨ ᠪᠤᠰᠤ ᠪᠤᠯᠤᠭᠰᠠᠨ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠳᠠᠭ᠂ ᠡᠭᠦᠨ ᠢᠶᠠᠷ ᠪᠢᠳᠠ ᠸᠢᠲ᠋ᠠᠮᠢᠨ D ᠶᠢᠨ | ᠦᠳᠭᠡᠴᠡ ᠶᠢᠨ ᠳᠦᠪᠰᠢᠨ ᠨᠢ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠬᠦ ᠠᠶᠤᠯ ᠯᠤᠭᠠ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠭᠠ ᠶᠢᠨ ᠤᠴᠢᠷ ᠢ | ᠳᠠᠶᠢᠯᠪᠤᠷᠢᠯᠠᠵᠤ ᠪᠤᠯᠤᠨᠠ᠃ ᠡᠳᠡᠭᠡᠷ ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠨᠢ ᠪᠢᠳᠠᠨ ᠳᠤ ᠬᠠᠪᠤᠳᠠᠷ ᠤᠨ ᠡᠪᠡᠳᠴᠢᠨ ᠳᠤ | ᠬᠠᠨᠳᠤᠭᠤᠯᠤᠨ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠶᠢ ᠬᠢᠨᠡᠨ ᠬᠡᠮᠵᠢᠬᠦ᠂ ᠨᠦᠬᠦᠪᠦᠷᠢᠯᠡᠬᠦ ᠪᠠᠷ ᠳᠠᠮᠵᠢᠭᠤᠯᠤᠨ | ᠡᠪᠡᠳᠴᠢᠳᠠᠨ ᠤ ᠠᠮᠢᠳᠤᠷᠠᠯ ᠤᠨ ᠴᠢᠨᠠᠷ ᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠰᠠᠨᠠᠭᠠᠨ ᠠᠴᠠ ᠭᠠᠳᠠᠭᠤᠷ ᠰᠠᠶᠢᠨ ᠦᠷᠡ ᠳ᠋ᠦᠩ ᠳᠤ | ᠬᠦᠷᠴᠦ ᠮᠡᠳᠡᠨᠡ ᠭᠡᠳᠡᠭ ᠳᠤᠬᠢᠶᠠ ᠦᠭᠴᠦ ᠪᠠᠶᠢᠨᠠ᠃ ᠭᠡᠪᠡᠴᠤ ᠤᠳᠤᠬᠠᠨ ᠳᠤ ᠸᠢᠲ᠋ᠠᠮᠢᠨ D ᠨᠦᠬᠦᠪᠦᠷᠢᠯᠡᠬᠦ ᠶᠢ | ᠦᠮᠡᠨ ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭᠠ ᠪᠠᠷᠢᠯ ᠤᠨ ᠳᠤᠭᠠᠨ ᠳᠤ ᠤᠷᠤᠭᠤᠯᠤᠭᠠᠳᠤᠢ ᠪᠠᠶᠢᠬᠰᠠᠭᠠᠷ᠂ ᠳᠡᠳᠡᠭᠡᠷ ᠤᠨ ᠮᠦᠨ | ᠴᠢᠨᠠᠷ ᠤᠨ ᠬᠠᠷᠢᠴᠠᠭᠠ ᠶᠢ ᠮᠦᠨ ᠵᠤᠬᠢᠬᠤ ᠬᠤᠭᠤᠴᠠᠭᠠᠨ ᠤ ᠠᠵᠢᠬᠯᠠᠯᠳᠠ ᠪᠠ ᠨᠡᠩ ᠤᠯᠠᠨ ᠳᠤᠭᠠ ᠪᠠᠷᠢᠮᠳᠠ ᠪᠠᠷ | ᠨᠤᠳᠠᠯᠠᠬᠤ ᠴᠢᠬᠤᠯᠠᠳᠠᠢ ᠪᠠᠶᠢᠨᠠ︾ ᠭᠡᠵᠦ ᠪᠡᠭᠡᠵᠢᠩ ᠤᠨ ᠰᠢᠶᠧ ᠾᠧ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠳᠤᠳᠤᠭᠠᠳᠤ | ᠱᠦᠭᠦᠷᠡᠯ ᠤᠨ ᠰᠠᠯᠠᠭᠠᠨ ᠤ ᠫᠷᠦᠹᠧᠰᠰᠤᠷ ᠦ᠋ ᠰᠢᠦᠸᠠᠢ ᠶᠡᠨ ᠳᠠᠨᠢᠯᠴᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ︽ᠸᠢᠲ᠋ᠠᠮᠢᠨ D ᠨᠢ ᠡᠰ ᠤᠨ ᠭᠡᠳᠦᠷᠡᠳᠡᠯᠠ ᠦᠷᠡᠵᠢᠵᠦ ᠳᠦᠯᠵᠢᠬᠦ ᠶᠢ ᠬᠤᠷᠢᠬᠯᠠᠵᠤ᠂ ᠵᠠᠷᠢᠮ ᠦᠮᠡᠨ ᠢ | ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ᠃ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠠᠴᠠ ᠦᠵᠡᠪᠡᠯ᠂ ᠦᠮᠡᠨ ᠢ ᠡᠮᠨᠡᠨ | ᠵᠠᠰᠠᠬᠤ ᠳᠤ ᠡᠮ ᠤᠨ ᠳᠠᠯᠠ ᠪᠠᠷ ᠵᠢᠭᠠᠰᠤᠨ ᠤ ᠡᠯᠢᠭᠡᠨ ᠳᠤᠰᠤ᠂ ᠸᠢᠲ᠋ᠠᠮᠢᠨ D ᠶᠢᠨ ᠳᠠᠷᠢᠯᠭᠠ ᠶᠢᠨ ᠡᠮ ᠢ ᠵᠤᠬᠢᠬᠤ | ᠬᠡᠮᠵᠢᠶᠠ ᠪᠠᠷ ᠨᠦᠬᠦᠵᠦ ᠪᠤᠯᠤᠨᠠ᠂ ᠭᠡᠪᠡᠴᠦ ᠶᠠᠭᠠᠬᠢᠵᠤ ᠨᠦᠬᠦᠪᠡᠯ ᠵᠤᠬᠢᠬᠤ ᠨᠢ ᠪᠠᠰᠠ ᠳᠤᠳᠤᠷᠬᠠᠢ ᠦᠭᠡᠢ | ᠪᠠᠶᠢᠬᠰᠠᠭᠠᠷ︾ ᠭᠡᠵᠦ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ 302 ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠤᠯᠠᠨ ᠤᠯᠤᠰ ᠤᠨ ᠡᠯᠢᠭᠡᠨ | ᠡᠪᠡᠳᠴᠢᠨ ᠢ ᠡᠮᠨᠡᠨ ᠵᠠᠰᠠᠬᠤ ᠳᠦᠪ ᠤᠨ ᠡᠷᠭᠢᠯᠡᠭᠴᠢ ᠵᠤᠤ ᠫᠢᠩ ᠶᠠᠷᠢᠬᠰᠠᠨ ᠪᠠᠶᠢᠨᠠ᠃ ᠪᠦᠷᠢᠳᠭᠡᠯ ᠢᠶᠠᠷ᠂ ᠪᠦᠬᠦ | ᠳᠡᠯᠡᠬᠡᠢ ᠶᠢᠨ ᠬᠡᠪᠴᠢᠶᠡᠨ ᠳᠤ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠵᠤ ᠪᠠᠶᠢᠭᠠ ᠬᠦᠮᠦᠨ ᠪᠠᠷᠤᠭ 10 ᠳ᠋ᠦᠩᠰᠢᠭᠤᠷ ᠪᠠᠶᠢᠨᠠ᠃ | ᠠᠮᠧᠷᠢᠺᠠ ᠳᠤ᠂ 75% ᠤᠨ ᠴᠠᠭᠠᠨ ᠠᠷᠠᠰᠤᠳᠠᠨ ᠪᠠ 90% ᠤᠨ ᠪᠤᠰᠤᠳ ᠠᠷᠠᠰᠤᠳᠠᠨ ᠳᠤ ᠸᠢᠲ᠋ᠠᠮᠢᠨ D | ᠳᠤᠳᠠᠭᠳᠠᠬᠤ ᠪᠠᠶᠢᠳᠠᠯ ᠤᠷᠤᠰᠢᠵᠤ ᠪᠠᠶᠢᠨᠠ᠃ ᠮᠠᠨ ᠤ ᠤᠯᠤᠰ ᠤᠨ ᠪᠠᠶᠢᠳᠠᠯ ᠴᠤ ᠳᠡᠶᠢᠮᠦ ᠰᠠᠶᠢᠨ ᠪᠢᠰᠢ ᠪᠠᠶᠢᠵᠤ᠂ | ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠤᠳᠠ ᠶᠢᠨ ᠬᠦᠩᠭᠡᠵᠢᠬᠦ ᠨᠠᠰᠤᠨ ᠤ ᠡᠮᠡᠭᠳᠡᠶᠢᠴᠤᠳ ᠤᠨ ᠳᠤᠳᠤᠷᠠ ᠵᠦᠪᠭᠡᠨ 15. | 1% ᠤᠨ ᠬᠦᠮᠦᠨ ᠤ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠶᠢᠨ ᠳᠦᠪᠰᠢᠨ ᠨᠢ ᠬᠡᠪ ᠤᠨ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠵᠤ᠂ | ᠪᠡᠭᠡᠵᠢᠩ ᠬᠤᠳᠠ ᠶᠢᠨ ᠬᠤᠳᠠᠨ ᠳᠤᠳᠤᠷᠠᠬᠢ 60 ᠨᠠᠰᠤ ᠶᠢ ᠳᠠᠪᠠᠭᠰᠠᠨ ᠰᠠᠷᠡ ᠶᠢᠨ ᠭᠭᠢᠷ ᠨᠢ ᠵᠤᠬᠰᠤᠭᠰᠠᠨ | ᠡᠮᠡᠭᠳᠡᠶᠢᠴᠤᠳ ᠤᠨ 7 ᠬᠤᠪᠢ ᠨᠢ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠬᠤ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠨᠠ᠃ ᠱᠠᠩᠬᠠᠢ ᠬᠤᠳᠠ ᠶᠢᠨ | ᠨᠠᠰᠤᠨ ᠳᠤ ᠬᠦᠷᠦᠭᠰᠡᠳ ᠲᠤ ᠬᠢᠭᠰᠡᠨ ᠪᠠᠶᠢᠴᠠᠭᠠᠯᠳᠠ ᠠᠴᠠ ᠦᠵᠡᠭᠰᠡᠨ ᠴᠤ᠂ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠶᠢᠨ | ᠳᠦᠪᠰᠢᠨ ᠨᠢ ᠬᠡᠪ ᠤᠨ ᠪᠠᠶᠢᠳᠠᠯ ᠲᠠᠢ ᠬᠦᠮᠦᠨ ᠵᠦᠪᠬᠡᠨ 9.3% ᠢ ᠡᠵᠡᠯᠡᠵᠦ ᠪᠠᠶᠢᠨᠠ᠃ ︽ᠨᠠᠷᠠᠨ ᠳᠤ ᠡᠭᠡᠬᠦ | ᠦᠭᠡᠢ ᠪᠠᠶᠢᠬᠤ ᠪᠤᠯ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠵᠤ ᠪᠠᠶᠢᠬᠤ ᠭᠤᠤᠯ ᠰᠢᠯᠳᠠᠭᠠᠨ ᠪᠤᠯᠤᠨᠠ︾ ᠭᠡᠵᠦ ᠴᠢᠯᠦᠭᠡᠯᠡᠬᠦ | ᠴᠡᠷᠢᠭ ᠤᠨ ᠶᠡᠷᠦᠩᠬᠡᠢ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠰᠢᠮᠠ ᠳᠡᠵᠢᠭᠡᠯ ᠤᠨ ᠰᠠᠯᠠᠭᠠᠨ ᠤ ᠫᠷᠦᠹᠧᠰᠰᠤᠷ ᠵᠤᠤ ᠯᠢᠨ | ᠦᠵᠡᠵᠦ ᠪᠠᠶᠢᠨᠠ᠃ | ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠭᠡᠷ ᠳᠤᠳᠤᠷᠠ ᠰᠤᠷᠤᠯᠴᠠᠬᠤ ᠪᠤᠶᠤ ᠠᠵᠢᠯᠯᠠᠵᠤ᠂ ᠭᠠᠳᠠᠭᠠ ᠭᠠᠷᠴᠤ ᠬᠦᠳᠡᠯᠭᠡᠭᠡᠨ | ᠬᠢᠬᠦ ᠳᠤᠷᠠ ᠦᠭᠡᠢ᠂ ᠭᠠᠳᠠᠭᠠ ᠭᠠᠷᠤᠭᠰᠠᠨ ᠴᠤ ᠰᠢᠭᠦᠷ ᠪᠠᠷᠢᠵᠤ᠂ ᠨᠠᠷᠠᠨ ᠳᠤ ᠰᠢᠷᠠᠭᠳᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ | ᠳᠤᠰᠤ ᠳᠦᠷᠬᠢᠳᠡᠭ ᠵᠡᠷᠭᠡ ᠪᠠ ᠪᠤᠬᠢᠷ ᠮᠠᠨᠠᠨ ᠲᠠᠢ ᠡᠳᠦᠷ ᠵᠡᠷᠭᠡ ᠨᠢ ᠪᠦᠷ ᠬᠦᠮᠦᠰ ᠤᠨ ᠨᠠᠷᠠᠨ ᠤ ᠭᠡᠷᠡᠯ ᠢ ᠬᠦᠯᠢᠶᠡᠨ | ᠠᠪᠬᠤ ᠶᠢ ᠨᠦᠯᠦᠭᠡᠯᠡᠵᠦ ᠪᠠᠶᠢᠨᠠ᠃ ᠳᠡᠭᠡᠬᠦ ᠳᠤ᠂ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠶᠡᠬᠡᠩᠬᠢ ᠸᠢᠲ᠋ᠠᠮᠢᠨ D ᠨᠢ ᠨᠠᠷᠠᠨ ᠳᠤ | ᠡᠭᠡᠬᠦ ᠪᠠᠷ ᠳᠠᠮᠵᠢᠨ ᠠᠷᠠᠰᠤᠨ ᠳᠤ ᠪᠤᠢ ᠪᠤᠯᠳᠠᠭ ᠪᠠᠶᠢᠭᠠ ᠶᠤᠮ᠃ ᠳᠠᠬᠢᠪᠠᠯ᠂ ᠸᠢᠲ᠋ᠠᠮᠢᠨ D ᠪᠤᠯ ᠦᠭᠡᠭᠦᠨ ᠳᠤ | ᠠᠭᠤᠰᠬᠤ ᠰᠢᠨᠵᠢ ᠲᠠᠢ᠂ ᠳᠡᠶᠢᠮᠦ ᠠᠴᠠ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠦᠭᠡᠬᠦ ᠰᠢᠩᠭᠡᠭᠡᠨ ᠠᠪᠬᠤ ᠨᠢ ᠸᠢᠲ᠋ᠠᠮᠢᠨ D ᠶᠢ | ᠰᠢᠩᠭᠡᠭᠡᠨ ᠠᠪᠬᠤ ᠶᠢ ᠠᠬᠢᠭᠤᠯᠳᠠᠭ᠃ ᠭᠡᠪᠡᠴᠦ ᠬᠠᠷᠠᠰᠤ ᠬᠤᠭᠤᠯᠠ ᠢᠳᠡᠭᠰᠡᠳ ᠤᠯᠠᠰᠢᠷᠠᠬᠰᠠᠨ ᠢᠶᠠᠷ᠂ ᠸᠢᠲ᠋ᠠᠮᠢᠨ | D ᠳᠤᠳᠠᠭᠳᠠᠭᠰᠠᠳ ᠮᠦᠨ ᠳᠠᠭᠠᠯᠳᠤᠨ ᠨᠡᠮᠡᠭᠳᠡᠵᠦ ᠪᠠᠶᠢᠨᠠ᠃ ᠨᠠᠰᠤ ᠵᠢᠯ ᠤᠨ ᠨᠡᠮᠡᠭᠳᠡᠬᠦ ᠶᠢ ᠳᠠᠭᠠᠯᠳᠤᠨ | ᠠᠷᠠᠰᠤᠨ ᠤ ᠸᠢᠲ᠋ᠠᠮᠢᠨ D ᠶᠢ ᠨᠡᠶᠢᠯᠡᠭᠵᠢᠭᠦᠯᠬᠦ ᠴᠢᠳᠠᠪᠤᠷᠢ ᠪᠠᠭᠤᠷᠠᠳᠠᠭ᠂ ᠨᠠᠰᠤᠳᠠᠶᠢᠴᠤᠳ ᠤᠯᠠᠰᠢᠷᠠᠬᠤ ᠶᠢ | ᠳᠠᠭᠠᠯᠳᠤᠨ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠭᠰᠠᠳ ᠤᠨ ᠡᠩᠨᠡᠭᠡ ᠦᠷᠭᠦᠯᠵᠢᠯᠡᠨ ᠦᠷᠭᠡᠵᠢᠬᠦ ᠨᠢ ᠶᠠᠷᠢᠶᠠᠨ ᠦᠭᠡᠢ ᠤᠴᠢᠷ᠃ | | ᠸᠢᠲ᠋ᠠᠮᠢᠨD ᠶᠢᠨ ᠠᠴᠢ ᠲᠤᠰᠠ ᠲᠤᠩ ᠶᠡᠭᠡ | ᠤᠢᠢᠷᠡ ᠳᠤ ᠠᠮᠧᠷᠢᠺᠠ ᠶᠢᠨ MSN ᠰᠦᠯᠵᠢᠶᠡᠨ ᠳᠤ ᠨᠡᠶᠢᠳᠡᠯᠡᠭᠰᠡᠨ ᠵᠤᠬᠢᠶᠠᠯ ᠠᠴᠠ ᠦᠵᠡᠪᠡᠯ᠂ | ᠸᠢᠲ᠋ᠠᠮᠢᠨ D ᠶᠢᠨ ᠠᠴᠢ ᠳᠤᠰᠠ ᠨᠢ ᠶᠠᠰᠤ ᠶᠢ ᠪᠠᠬᠢᠵᠢᠭᠦᠯᠬᠦ᠂ ᠦᠮᠡᠨ ᠢ ᠰᠡᠷᠭᠡᠶᠢᠯᠡᠬᠦ ᠪᠠᠷ ᠵᠤᠬᠰᠤᠬᠤ ᠦᠭᠡᠢ | ᠦᠭᠡᠷᠡ ᠪᠠᠰᠠ ᠤᠯᠠᠨ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ᠡᠬᠡ ᠨᠢᠯᠬᠠᠰ ᠢ ᠪᠦᠭᠡᠴᠡᠶᠢᠯᠡᠨᠠ᠃ ᠵᠢᠷᠮᠤᠰᠤᠨ ᠡᠮᠡᠭᠳᠡᠢ ᠶᠢᠨ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠶᠢᠨ | ᠳᠦᠪᠰᠢᠨ ᠨᠢ ᠳᠤᠤᠷᠠ ᠪᠠᠶᠢᠪᠠᠯ᠂ ᠬᠡᠦᠬᠡᠳ ᠲᠤ ᠳᠠᠳᠠᠬᠤ ᠰᠢᠨᠵᠢ ᠢᠯᠡᠷᠡᠬᠦ᠂ ᠤᠷᠤᠭ ᠤᠨᠠᠭᠠᠬᠤ᠂ ᠬᠦᠩᠭᠡᠨ | ᠬᠡᠦᠬᠡᠳ ᠳᠦᠷᠦᠬᠦ ᠵᠡᠷᠭᠡ ᠠᠰᠠᠭᠤᠳᠠᠯ ᠠᠮᠠᠷᠬᠠᠨ ᠭᠠᠷᠴᠤ ᠮᠡᠳᠡᠬᠦ ᠪᠦᠭᠡᠳ ᠬᠡᠦᠬᠡᠳ ᠢᠶᠠᠨ ᠬᠠᠭᠠᠯᠵᠤ ᠠᠪᠬᠤ | ᠨᠤᠷᠮᠠ ᠴᠤ ᠨᠡᠮᠡᠭᠳᠡᠳᠡᠭ᠃ ᠡᠬᠡ ᠳᠤᠨᠢ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠪᠠᠯ ᠬᠡᠦᠬᠡᠳ ᠨᠢ ᠠᠬᠰᠠᠭᠠ ᠵᠡᠷᠭᠡ ᠠᠮᠢᠰᠬᠤᠯ ᠤᠨ | ᠵᠠᠮ ᠤᠨ ᠡᠪᠡᠳᠴᠢᠨ ᠳᠤ ᠠᠮᠠᠷᠬᠠᠨ ᠨᠡᠷᠪᠡᠭᠳᠡᠵᠦ᠂ ᠮᠠᠷᠢᠶᠠᠯᠠᠬᠤ ᠨᠤᠷᠮᠠ ᠨᠢ ᠴᠤ ᠦᠨᠳᠦᠷ ᠪᠠᠶᠢᠳᠠᠭ᠂ ᠬᠡᠷᠪᠡ ᠴᠠᠭ | ᠳᠤᠬᠠᠢ ᠳᠤᠨᠢ ᠸᠢᠲ᠋ᠠᠮᠢᠨ D ᠨᠦᠬᠦᠭᠰᠡᠨ ᠪᠤᠯ ᠠᠬᠰᠠᠭᠠ ᠪᠠ ᠠᠮᠢᠰᠬᠤᠯ ᠤᠨ ᠵᠠᠮ ᠤᠨ ᠦᠷᠪᠢᠰᠦᠯ ᠢ ᠪᠠᠭᠠᠰᠬᠠᠵᠤ | ᠪᠤᠯᠳᠠᠭ᠃ | ᠵᠢᠷᠦᠭᠡ ᠳᠠᠷᠢᠬᠢ ᠶᠢ ᠬᠠᠮᠠᠭᠠᠯᠠᠨᠠ᠃ ᠬᠠᠩᠭᠠᠯᠳᠠᠳᠠᠢ ᠸᠢᠲ᠋ᠠᠮᠢᠨ D ᠶᠢ ᠰᠢᠩᠭᠡᠭᠡᠨ ᠠᠪᠬᠤ ᠨᠢ ᠵᠢᠷᠦᠭᠡ | ᠴᠢᠰᠦᠨ ᠰᠤᠳᠠᠯ ᠤᠨ ᠡᠪᠡᠳᠴᠢᠨ ᠲᠠᠢ ᠬᠦᠮᠦᠨ ᠤ ᠦᠬᠦᠯ ᠤᠨ ᠠᠶᠤᠯ ᠢ 30% ᠢᠶᠠᠷ ᠪᠠᠭᠤᠷᠠᠭᠤᠯᠳᠠᠭ᠃ | ᠤᠴᠢᠷ ᠨᠢ᠂ ᠸᠢᠲ᠋ᠠᠮᠢᠨ D ᠴᠢᠰᠦᠨ ᠳᠠᠷᠤᠯᠳᠠ ᠶᠢ ᠵᠤᠬᠢᠴᠠᠭᠤᠯᠵᠤ᠂ ᠵᠢᠷᠦᠭᠡᠨ ᠤ ᠴᠢᠳᠠᠪᠬᠢ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ᠂ | ᠵᠢᠷᠦᠭᠡᠨ ᠡᠪᠡᠳᠴᠢᠨ ᠪᠠ ᠰᠠ ᠡᠪᠡᠳᠴᠢᠨ ᠡᠭᠦᠰᠬᠦ ᠠᠶᠤᠯ ᠢ ᠪᠠᠭᠠᠰᠬᠠᠳᠠᠭ᠃ | ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠨ ᠵᠠᠰᠠᠬᠤ ᠦᠢᠯᠡᠳᠦᠯ ᠲᠠᠢ᠃ ᠬᠡᠦᠬᠡᠳ ᠤᠨ ᠤᠢ ᠳᠤᠳᠤᠷᠠ ᠨᠢ | ᠬᠠᠩᠭᠠᠯᠳᠠᠳᠠᠢ ᠸᠢᠲ᠋ᠠᠮᠢᠨ D ᠨᠦᠬᠦᠪᠡᠯ᠂ ᠢᠷᠡᠬᠡᠳᠦᠢ ᠶᠢᠨ 30 ᠵᠢᠯ ᠳᠤ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠬᠦ ᠠᠶᠤᠯ ᠨᠢ 88% ᠢᠶᠠᠷ ᠪᠠᠭᠤᠷᠠᠳᠠᠭ᠃ ᠬᠠᠩᠭᠠᠯᠳᠠᠳᠠᠢ ᠸᠢᠲ᠋ᠠᠮᠢᠨ D ᠰᠢᠩᠭᠡᠭᠡᠵᠦ ᠠᠪᠬᠤ ᠨᠢ Ⅱ | ᠬᠡᠯᠪᠡᠷᠢ ᠶᠢᠨ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠬᠦ ᠠᠶᠤᠯ ᠢ 33% ᠢᠶᠠᠷ ᠪᠠᠭᠤᠷᠠᠭᠤᠯᠳᠠᠭ᠂ ᠤᠴᠢᠷ ᠨᠢ᠂ | ᠸᠢᠲ᠋ᠠᠮᠢᠨ D ᠨᠢ ᠨᠦᠢᠷ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠡᠰ ᠤᠨ ᠨᠦᠢᠷ ᠤᠨ ᠠᠷᠠᠯ ᠤᠨ ᠡᠳ᠋ ᠢᠯᠭᠠᠷᠠᠭᠤᠯᠬᠤ ᠶᠢ | ᠠᠬᠢᠭᠤᠯᠳᠠᠭ᠃ | ᠦᠯᠦ ᠬᠠᠯᠳᠠᠭᠠᠬᠤ ᠴᠢᠳᠠᠪᠬᠢ ᠶᠢᠨ ᠴᠢᠨᠠᠷᠳᠠᠢ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠨᠠ᠃ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠪᠠᠯ | ᠬᠡᠷᠦᠬᠦ ᠴᠢᠨᠠᠷᠳᠠᠢ ᠦᠶᠡ ᠬᠡᠰᠢᠭᠦᠦ ᠶᠢᠨ ᠦᠷᠪᠢᠰᠦᠯ᠂ ᠺᠷᠤᠾᠧᠨ ᠡᠪᠡᠳᠴᠢᠨ᠂ ᠤᠯᠠᠨ ᠡᠭᠦᠰᠬᠦ ᠴᠢᠨᠠᠷᠳᠠᠢ | ᠬᠠᠳᠠᠭᠤᠷᠠᠬᠤ ᠡᠪᠡᠳᠴᠢᠨ ᠵᠡᠷᠭᠡ ᠦᠯᠦ ᠬᠠᠯᠳᠠᠭᠠᠬᠤ ᠴᠢᠳᠠᠪᠬᠢ ᠶᠢᠨ ᠴᠢᠨᠠᠷᠳᠠᠢ ᠡᠪᠡᠳᠴᠢᠨ ᠤ ᠠᠶᠤᠯ ᠢ | ᠨᠡᠮᠡᠭᠳᠡᠭᠦᠯᠳᠡᠭ᠃ ᠸᠢᠲ᠋ᠠᠮᠢᠨ D ᠨᠢ ᠦᠯᠦ ᠬᠠᠯᠳᠠᠭᠠᠬᠤ ᠰᠢᠰᠲ᠋ᠧᠮ ᠤᠨ ᠬᠦᠯᠢᠶᠡᠨ ᠠᠪᠤᠭᠴᠢ ᠴᠤᠭᠴᠠ ᠲᠠᠢ | ᠵᠤᠯᠭᠠᠨ ᠤᠶᠠᠯᠳᠤᠪᠠᠯ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠦᠯᠦ ᠬᠠᠯᠳᠠᠭᠠᠬᠤ ᠴᠢᠳᠠᠪᠤᠷᠢ ᠶᠢ ᠵᠤᠬᠢᠴᠠᠭᠤᠯᠵᠤ᠂ ᠬᠠᠮᠢᠶᠠ ᠪᠦᠬᠦᠢ | ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠢ ᠰᠠᠶᠢᠵᠢᠷᠠᠭᠤᠯᠳᠠᠭ᠃ | ᠰᠠᠨᠠᠭᠠ ᠰᠡᠳᠭᠢᠯ ᠢ ᠳᠤᠭᠳᠠᠪᠤᠷᠢᠵᠢᠭᠤᠯᠤᠨᠠ᠃ ᠳᠤᠮᠳᠠ ᠵᠡᠷᠭᠡ ᠶᠢᠨ ᠪᠤᠶᠤ ᠬᠦᠨᠳᠦ ᠭᠠᠩᠰᠠᠷᠠᠬᠤ | ᠡᠪᠡᠳᠴᠢᠨ ᠲᠠᠢ ᠡᠮᠡᠭᠳᠡᠢ ᠬᠦᠮᠦᠨ ᠬᠠᠩᠭᠠᠯᠳᠠᠳᠠᠢ ᠸᠢᠲ᠋ᠠᠮᠢᠨ D ᠨᠦᠬᠦᠬᠦ ᠳᠤ ᠬᠦᠷᠪᠡᠯ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠨᠢ | ᠵᠤᠬᠢᠬᠤ ᠰᠠᠶᠢᠵᠢᠷᠠᠯᠳᠠ ᠲᠠᠢ ᠪᠤᠯᠳᠠᠭ᠃ ᠡᠭᠦᠨ ᠤ ᠰᠢᠯᠳᠠᠭᠠᠨ ᠨᠢ ᠸᠢᠲ᠋ᠠᠮᠢᠨ D ᠨᠢ ᠴᠢᠰᠦᠨ ᠤ ᠴᠠᠶᠢᠪᠠᠩ ᠤᠨ | ᠳᠦᠪᠰᠢᠨ ᠢ ᠰᠠᠶᠢᠵᠢᠷᠠᠭᠤᠯᠳᠠᠭ ᠠᠴᠠ ᠪᠤᠯᠤᠭᠰᠠᠨ ᠪᠠᠶᠢᠵᠤ ᠮᠡᠳᠡᠨᠠ᠃ ᠤᠴᠢᠷ ᠨᠢ ᠴᠢᠰᠦᠨ ᠤ ᠴᠠᠶᠢᠪᠠᠩ ᠨᠢ | ᠨᠦᠢᠷ ᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠪᠡᠶᠡᠷᠯᠡᠵᠤ ᠪᠠᠶᠠᠰᠬᠤ ᠰᠡᠳᠭᠢᠯᠭᠡ ᠳᠦᠷᠦᠭᠦᠯᠬᠦ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ | ᠸᠢᠲ᠋ᠠᠮᠢᠨD ᠶᠢ ᠨᠦᠬᠦᠪᠦᠷᠢᠯᠡᠬᠦ ᠶᠢᠨ ᠲᠤᠬᠠᠢ ᠳᠤ | ᠴᠢᠰᠦᠨ ᠤ ᠪᠠᠶᠢᠴᠠᠭᠠᠯᠳᠠ ᠪᠠᠷ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠵᠤ ᠪᠠᠶᠢᠬᠤ ᠡᠰᠡᠬᠦ ᠶᠢ ᠳᠤᠳᠤᠯᠠᠵᠤ ᠪᠤᠯᠳᠠᠭ᠂ | ᠳᠡᠶᠢᠮᠦ ᠠᠴᠠ ᠵᠢᠯ ᠪᠤᠯᠭᠠᠨ ᠤ ᠡᠷᠡᠭᠦᠯ ᠤᠨ ᠪᠠᠶᠢᠴᠠᠭᠠᠯᠳᠠ ᠶᠢᠨ ᠠᠭᠤᠯᠭᠠ ᠳᠠᠭᠠᠨ ᠸᠢᠲ᠋ᠠᠮᠢᠨ D ᠶᠢᠨ ᠦᠳᠭᠡᠴᠡ ᠶᠢ | ᠰᠢᠯᠭᠠᠬᠤ ᠠᠭᠤᠯᠭᠠ ᠨᠡᠮᠡᠪᠡᠯ ᠰᠠᠶᠢᠨ ᠭᠡᠵᠦ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ 309 ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠰᠢᠮᠡ | ᠳᠡᠵᠢᠭᠡᠯ ᠤᠨ ᠰᠠᠯᠠᠭᠠᠨ ᠤ ᠡᠷᠭᠢᠯᠡᠭᠴᠢ ᠵᠦᠸᠧ ᠰᠢᠶᠤᠤ ᠰᠢᠶᠠ ᠰᠠᠨᠠᠭᠤᠯᠵᠤ ᠪᠠᠶᠢᠨᠠ᠃ | ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠳᠤᠤᠷᠠᠬᠢ ᠮᠡᠳᠦ ᠢᠯᠡᠷᠡᠯ ᠭᠠᠷᠪᠠᠯ᠂ ᠸᠢᠲ᠋ᠠᠮᠢᠨ D ᠳᠤᠳᠠᠭᠳᠠᠭᠰᠠᠨ ᠪᠠᠶᠢᠵᠤ ᠮᠡᠳᠡᠨᠠ | ᠄ ᠦᠷᠭᠦᠯᠵᠢ ᠦᠷᠪᠢᠰᠦᠬᠦ ᠪᠠᠶᠢᠳᠠᠯ ᠭᠠᠷᠬᠤ ᠪᠤᠶᠤ ᠬᠠᠯᠳᠠᠪᠤᠷᠢᠯᠠᠵᠤ ᠦᠷᠪᠢᠰᠦᠭᠰᠡᠨ ᠪᠠᠶᠢᠳᠠᠯ ᠨᠢ ᠠᠮᠠᠷᠬᠠᠨ ᠨᠠᠮᠳᠠᠬᠤ | ᠦᠭᠡᠢ ᠪᠠᠶᠢᠬᠤ︔ ᠭᠠᠩᠰᠠᠷᠠᠬᠤ ᠪᠠᠶᠢᠳᠠᠯ ᠭᠠᠷᠬᠤ᠂ ᠤᠨᠴᠠᠭᠠᠢᠢᠯᠠᠨ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠭᠠᠩᠰᠠᠷᠠᠬᠤ ᠪᠠᠶᠢᠳᠠᠯ | ᠭᠠᠷᠬᠤ︔ ᠶᠠᠳᠠᠷᠠᠭᠠᠳ ᠯᠠ ᠪᠠᠶᠢᠬᠤ ᠰᠢᠬ ᠪᠠᠶᠢᠳᠠᠯ ᠭᠠᠷᠬᠤ︔ ᠦᠶᠡ ᠭᠡᠰᠢᠭᠦᠦ ᠡᠪᠡᠳᠴᠦ᠂ ᠳᠦᠷᠪᠡᠨ ᠮᠦᠴᠢ | ᠳᠠᠮᠢᠷᠳᠠᠬᠤ︔ ᠪᠤᠯᠴᠢᠩ ᠡᠪᠡᠳᠬᠦ᠃ | ᠸᠢᠲ᠋ᠠᠮᠢᠨ D ᠶᠢ ᠨᠦᠬᠦᠬᠦ ᠬᠠᠮᠤᠭ ᠤᠨ ᠰᠠᠶᠢᠨ ᠠᠷᠭᠠ ᠪᠤᠯ ᠨᠠᠷᠠᠨ ᠳᠤ ᠡᠭᠡᠭᠡᠬᠦ ᠶᠠᠪᠤᠳᠠᠯ ᠪᠤᠯᠤᠨᠠ ᠭᠡᠵᠦ | ᠵᠤᠤ ᠯᠢᠨ ᠰᠠᠨᠠᠭᠤᠯᠵᠤ ᠪᠠᠶᠢᠨᠠ᠃ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠳ ᠡᠳᠦᠷ ᠲᠤ 30 ᠮᠢᠨᠦ᠋ᠲ ᠠᠴᠠ 1 ᠴᠠᠭ ᠨᠠᠷᠠᠨ ᠳᠤ | ᠡᠬᠡᠭᠡᠪᠡᠯ ᠰᠠᠶᠢᠨ︔ ᠨᠢᠯᠬᠠ ᠬᠡᠦᠬᠡᠳ ᠪᠠ ᠪᠠᠭᠠᠴᠤᠳ ᠤᠨ ᠠᠷᠠᠰᠤ ᠨᠢ ᠨᠢᠯᠭᠠ ᠪᠤᠯᠬᠤᠷ 15 — 30 ᠮᠢᠨᠦ᠋ᠲ | ᠡᠭᠡᠭᠡᠨᠠ︔ ᠨᠠᠰᠤᠳᠠᠶᠢᠴᠤᠳ ᠤᠨ ᠸᠢᠲ᠋ᠠᠮᠢᠨ D ᠨᠡᠶᠢᠯᠡᠭᠵᠢᠭᠦᠯᠬᠦ ᠴᠢᠳᠠᠪᠤᠷᠢ ᠪᠠᠭᠤᠷᠠᠭᠰᠠᠨ ᠪᠠᠶᠢᠳᠠᠭ ᠪᠤᠯᠬᠤᠷ | ᠨᠠᠷᠠᠨ ᠳᠤ ᠡᠭᠡᠭᠡᠬᠦ ᠴᠠᠭ ᠢᠶᠠᠨ ᠵᠤᠬᠢᠬᠤ ᠬᠡᠮᠵᠢᠶᠠ ᠪᠠᠷ ᠤᠷᠳᠤᠳᠬᠠᠵᠤ ᠪᠤᠯᠤᠨᠠ᠂ ᠭᠡᠪᠡᠴᠦ ᠬᠤᠷᠴᠠ ᠨᠠᠷᠠᠨ ᠳᠤ | ᠭᠡᠳᠦ ᠰᠢᠷᠠᠬᠳᠠᠵᠤ ᠪᠤᠯᠬᠤ ᠦᠭᠡᠢ᠃ ᠰᠢᠯ ᠨᠡᠪᠳᠡᠯᠦᠨ ᠨᠠᠷᠠᠨ ᠳᠤ ᠡᠭᠡᠭᠡᠬᠦ ᠳᠤ᠂ ᠬᠦᠷᠢᠨ ᠤ ᠭᠠᠳᠠᠨᠠᠬᠢ ᠳᠤᠶᠠᠭᠠᠨ ᠤ | ᠨᠡᠪᠳᠡᠯᠦᠨ ᠳᠤᠰᠬᠤ ᠨᠤᠷᠮᠠ ᠨᠢ ᠳᠤᠤᠷᠠ ᠪᠠᠶᠢᠵᠤ᠂ ᠸᠢᠲ᠋ᠠᠮᠢᠨ D ᠶᠢᠨ ᠨᠡᠶᠢᠯᠡᠭᠵᠢᠬᠦ ᠳᠤ ᠠᠰᠢᠬ ᠦᠭᠡᠢ ᠪᠠᠶᠢᠳᠠᠭ᠂ | ᠡᠶᠢᠮᠦ ᠠᠴᠠ ᠨᠤᠭᠤᠭᠠᠷᠠᠭᠤᠯᠤᠯᠳᠠ ᠰᠠᠶᠢᠳᠠᠢ ᠭᠠᠵᠠᠷ ᠨᠠᠷᠠᠨ ᠳᠤ ᠢᠯᠡ ᠪᠠᠷ ᠡᠭᠡᠭᠡᠪᠡᠯ ᠰᠠᠶᠢᠨ ᠪᠠᠶᠢᠳᠠᠭ ᠠᠵᠢ᠃ | ᠵᠤᠤ ᠯᠢᠨ ᠪᠠᠰᠠ᠄ ︽ᠤᠷᠢᠳᠠᠪᠠᠷ ᠳᠤᠭᠤᠭᠠᠨ ᠭᠡᠷ ᠲᠡᠭᠡᠨ ᠤᠷᠤᠵᠤ᠂ ᠳᠠᠷᠠᠭᠠ ᠨᠢ ᠡᠮ ᠤᠨ ᠭᠡᠷ ᠲᠤ | ᠤᠷᠤᠬᠤ ᠶᠢ ᠪᠤᠳᠤ︾ ᠭᠡᠵᠦ ᠰᠠᠨᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠳᠡᠭᠦᠨ ᠤ ᠬᠡᠯᠡᠬᠦ ᠪᠠᠷ᠂ ᠪᠠᠶᠢᠭᠠᠯᠢ ᠶᠢᠨ ᠢᠳᠡᠭᠡᠨ ᠳᠤ᠂ | ᠳᠤᠰᠤ ᠦᠭᠡᠬᠦ ᠡᠯᠪᠡᠭ ᠵᠢᠭᠠᠰᠤᠨ ᠤ ᠳᠦᠷᠦᠯ᠂ ᠤᠨᠴᠠᠭᠠᠢᠢᠯᠠᠨ ᠳᠠᠪᠬᠠ ᠵᠢᠭᠠᠰᠤ᠂ ᠰᠠᠷᠳᠢᠨ ᠵᠢᠭᠠᠰᠤ᠂ ᠰᠠᠷᠢᠶᠠ | ᠵᠢᠭᠠᠰᠤ᠂ ᠨᠠᠷᠠᠨ ᠳᠤ ᠬᠠᠳᠠᠭᠠᠭᠰᠠᠨ ᠮᠦᠭᠦ ᠵᠢᠴᠢ ᠦᠨᠳᠡᠭᠡᠨ ᠰᠢᠷᠡ ᠪᠠ ᠠᠮᠢᠳᠠᠨ ᠤ ᠳᠤᠳᠤᠷ ᠲᠤ ᠪᠦᠷ ᠸᠢᠲ᠋ᠠᠮᠢᠨ | D ᠠᠭᠤᠯᠳᠠᠭ ᠪᠤᠯᠬᠤᠷ ᠵᠤᠷᠢᠯᠭᠠ ᠲᠠᠢ ᠪᠠᠷ ᠸᠢᠲ᠋ᠠᠮᠢᠨ D ᠨᠦᠬᠦᠵᠦ ᠪᠤᠯᠤᠨᠠ᠃ ᠬᠡᠦᠬᠡᠳ᠂ ᠵᠢᠷᠮᠦᠰᠦᠨ ᠪᠦᠰᠡᠭᠦᠢ | ᠂ ᠨᠠᠰᠤᠳᠠᠶᠢᠴᠤᠳ ᠵᠡᠷᠭᠡ ᠤᠨᠴᠠᠭᠠᠢ ᠱᠠᠭᠠᠷᠳᠠᠯᠭᠠ ᠲᠠᠢ ᠬᠦᠮᠦᠰ ᠡᠮᠴᠢ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠪᠠᠷ ᠸᠢᠲ᠋ᠠᠮᠢᠨ D | ᠨᠦᠬᠦᠬᠦ ᠡᠮ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ | ᠸᠢᠲ᠋ᠠᠮᠢᠨ D ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ ᠰᠢᠩᠭᠡᠭᠡᠨ ᠠᠪᠴᠤ ᠪᠤᠯᠬᠤ ᠬᠡᠮᠵᠢᠶᠠ ᠨᠢ ᠡᠳᠦᠷ ᠲᠤ 20 — 50 | ᠮᠢᠺᠷᠦᠭᠷᠡᠮ ᠪᠠᠶᠢᠳᠠᠭ᠃ ᠨᠠᠷᠠᠨ ᠤ ᠭᠡᠷᠡᠯ ᠤᠨ ᠳᠤᠰᠤᠯᠳᠠ ᠪᠠᠷ ᠠᠷᠠᠰᠤᠨ ᠳᠤ ᠸᠢᠲ᠋ᠠᠮᠢᠨ D ᠨᠡᠶᠢᠯᠡᠭᠵᠢᠬᠦ ᠨᠢ | ᠦᠪᠡᠷ ᠢ ᠪᠠᠨ ᠬᠢᠵᠠᠭᠠᠷᠯᠠᠬᠤ ᠴᠢᠨᠠᠷᠳᠠᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠭᠡᠳᠦᠷᠡᠬᠦ ᠠᠴᠠ ᠵᠤᠪᠠᠭ᠋ᠤ ᠤᠴᠢᠷ ᠦᠭᠡᠢ᠃ ᠬᠠᠷᠢᠨ | ᠸᠢᠲ᠋ᠠᠮᠢᠨ D ᠨᠦᠬᠦᠬᠦ ᠡᠮ ᠤᠤᠭᠤᠬᠤ ᠳᠠᠭᠠᠨ ᠭᠡᠳᠦᠷᠡᠭᠦᠯᠬᠦ ᠠᠴᠠ ᠬᠢᠴᠢᠶᠡᠬᠦ ᠭᠡᠷᠡᠭᠳᠡᠢ᠃ ᠸᠢᠲ᠋ᠠᠮᠢᠨ D ᠶᠢ | ᠭᠡᠳᠦᠷᠡᠭᠦᠯᠪᠡᠯ ᠴᠢᠰᠦᠨ ᠳᠠᠬᠢ ᠺᠠᠯᠽ ᠤᠨ ᠳᠦᠪᠰᠢᠨ ᠢ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠤᠳᠠᠭᠠᠨ ᠳᠠᠭᠠᠨ ᠪᠦᠭᠡᠷᠡ ᠶᠢᠨ | ᠴᠢᠯᠠᠭᠤᠵᠢᠯ᠂ ᠵᠢᠷᠦᠭᠡᠨ ᠴᠤᠬᠢᠯᠠᠭᠠ ᠬᠡᠪ ᠢᠶᠠᠨ ᠠᠯᠳᠠᠬᠤ ᠵᠡᠷᠭᠡ ᠠᠶᠤᠯ ᠢ ᠨᠡᠮᠡᠭᠳᠡᠭᠦᠯᠳᠡᠭ᠃ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠴᠡᠯᠮᠡᠭ | | | |